มิตรไมตรีเลิศล้ำ วัฒนธรรมอลังการ สืบสานตำนานทรงคุณค่า อีสานจุฬาฯร่วมใจอนุรักษ์

 
 ฝากข้อความ หน้า: 13 12 11 10 9 8 7 6 5 4 3 2 1
ข้อความที่1 :: บอกข่าวเล่าแจ้ง

สวัสดีครับ ทุกท่าน

อันนี้ เป็นบอร์ดแบบแก้ขัด เผื่อว่า บางทีเข้าเว็บอีสานจุฬาตัวปกติไม่ได้ เข้าเว็บบอร์ดตัวปกติไม่ได้ ก็จะได้หลบมาคุยกันที่นี่ได้

แต่ถึงแม้ว่า จะเข้าเว็บได้แบบปกติ ก็สามารถมาโพสต์ที่นี่ได้ เช่นกันนะครับ


บอร์ดนี้ จัดทำขึ้นและเริ่มใช้งาน คืนวันที่ 5 พฤษภาคม 2551

เชิญทุกท่าน ฝากข้อความได้แล้วครับ

 โดยคุณ :: มังกรเดียวดาย   เมื่อ :: 05/05/2008 เวลา: 00:49:01

ข้อความที่2 ::

สวัสดีทุกท่าน และขอบคุณอ้ายมังกรเดียวดายที่จัดหาบอร์ดสำรองให้เราไดุ้คุยกันครับ

 โดยคุณ :: Mr. Por   เมื่อ :: 05/05/2008 เวลา: 17:34:48

ข้อความที่3 ::

โฮ้... เข้าเว็บปกติไม่ได้มาสองวันแล้ว เนาะ ตั้งแต่วันอาทิตย์แน่ะ

หง่าว.. นั่งจิบกาแฟรอดีกว่า

 โดยคุณ :: มังกรเดียวดาย   เมื่อ :: 06/05/2008 เวลา: 07:30:31

ข้อความที่4 :: เหงา

เข้าชมเว็บปกติบ่ได้ กะคึดฮอดสมาชิกหลาย บ่ได้คุยกับ บ่ได้โต้ตอบแฮ่งคึดฮอดแฮง เด้อ

 โดยคุณ :: เซียงน้อย หนองข้อง  e-mail :: samniang01hotmail.com   เมื่อ :: 09/05/2008 เวลา: 12:40:00

ข้อความที่5 ::

เอ...
เป็นหยังล่ะหือ... พอฮอดวันหยุดปั๊บ กะเป็นโลดน้อ

เป็นจั่งได๋น้อ ทางด่านซ้าย ตอนนี้ คือสิหน่อไม้หลายเนาะ คิดฮอดแกงหน่อไม้ด่านซ้ายซั่นดอกหวา หน่อไม้ด่านซ้ายนี่ แซบบักขนาดเด้อพี่น้อง เห็ดกะแซบ (คนเฮ็ดเพิ่นเฮ็ดแซบ นำล่ะหวา)

 โดยคุณ :: มังกรเดียวดาย   เมื่อ :: 09/05/2008 เวลา: 13:36:17

ข้อความที่6 ::

คึดฮอดทุกคนเด้อ

 โดยคุณ :: ผู้บ่าวเฮิม   เมื่อ :: 09/05/2008 เวลา: 14:27:51

ข้อความที่7 ::

เป็นหยังน้อ คือ เป็นจั่งซี้ Server นี่แหมะ

 โดยคุณ :: บ่อหน่าว   เมื่อ :: 09/05/2008 เวลา: 15:58:41

ข้อความที่8 :: คึดฮอดทุกคน

สวัสดีครับท่านมังกรเดียวดาย  ทางด่านซ้าย สบายดีครับ ห่อไม้ฮุ่นไฮ่กำลังแตกครับ พี่น้องด่านซ้ายต้มกินสู่มื้อครับ

 โดยคุณ :: เซียงน้อย หนองข้อง   เมื่อ :: 09/05/2008 เวลา: 18:09:26

ข้อความที่9 :: ของแซบด่านซ้ายช่วงนี่

มีหน่อไม้ฮุ่นไฮ่ เห็ดบด เห็ดหอม พอได้กินอยู่ครับ
เห็ดเผิ่ง กะมีแต่ดอกใหญ่ๆ แกงแล้วสิส่งมาให้สมาชิกทุกท่านกินนำกันเด้อ นึ่งข้าวเหนียวฮ้อนๆ แจ่วบักพริกตาแดง แซ้บ แซบ ครับ เชิญสมาชิกทุกท่าน ถ้าผ่านด่านซ้าย แวะเซียงน้อยแน่เด้อ คะรับ

 โดยคุณ :: เซียงน้อยหนองข้อง   เมื่อ :: 09/05/2008 เวลา: 18:13:48

ข้อความที่10 :: ฝากความคิดถึง

ขอฝากความคิดฮอดคิดถึงสมาชิกชมรมทุกท่านครับ  อยู่ดีกินแซบ มื้อแลงนี่  ให้กินข้าวแลงแซบๆ  มีความสุขกันทุกถ้วนหน้า ครับ

 โดยคุณ :: เซียงน้อย หนองข้อง   เมื่อ :: 09/05/2008 เวลา: 18:47:01

ข้อความที่11 ::

โอน้อ อ้ายเซียงน้อยหนองข้องเอ้ย...
คันได้กินต้มหน่อไม้ อย่าไลลืมเด้อ เอิ้นแหน่
อยากกินคักแท้ๆ กับป่นกุ้ง หรือป่นปลา
ปั้นข้าวคุ้ย แล้วยัดใส่ปากอ้า ม้วนผักใส่ หย่ำเข้ากัน
ย้านแต่กินบ่ทัน พ่อใหญ่ดล เลามักคุ้ย ซั่นดอก (คำใหญ่พร้อม)

บอกแหน่เด้อ คันได้กินแกงเห็ดเผิ่ง เห็ดบด เห็ดน้ำหมาก กะดาย
เห็ดระโงกเหลืองเอ้อเฮ่อ เห็ดไคขาตู้ปู้ ซุบแข่นๆ แฮ่งแซบนัว น้อ

เว้ามากะคึดอยาก แต่กะบ่มีให้กินดอก ทางกรุงเทพ มันอึด เนาะ...

 โดยคุณ :: มังกรเดียวดาย   เมื่อ :: 09/05/2008 เวลา: 20:10:56

ข้อความที่12 ::

คือเข้าบ่ได้เป็นหยังนอ.....

 โดยคุณ :: หนุ่มลุ่มน้ำมูน   เมื่อ :: 09/05/2008 เวลา: 21:15:52

ข้อความที่13 :: อย่าขัดแต่ข้อง

     มื้อเกิดขัดข้อง    ต้องขัดเอาแหพร้อมน่เดอท่าน
ขัดมีดเลาะกลางบ้าน  ให้ขัดเบิดออดหลอด ขัดพร้าขัดฮอดปืน

แล้วไปยืนคอยถ่า  สมาชิกอยู่นา ไปคอยถ่าอยู่กลางท่ง
ไปฮอดหนองได๋กะสิลง  ประสงค์ได้ปลาค้าว บาท้าวจั่งสิคืน
ซั่นดอก พี่น้องเอ้ย

         หลังจากเลิกงานกลางคืนแล้วกะมาเยิดเว็บหาสมาชิกนี่หละ..คึดฮอดหลายเด้อ...ครับ
                                 เซียงน้อยหนองข้อง

 โดยคุณ :: เซียงน้อย หนองข้อง   เมื่อ :: 09/05/2008 เวลา: 22:24:54

ข้อความที่14 :: เรื่องของ ขัด

อย่าสู่ขัดตั้งแต่ข้อง  ให้เฮาลองขัดเอาสู่อย่าง
ขัดใจศรีภรรยาบ้าง  อย่าทำตามให้หย่ามใจ
คันขัดข้องใช้บ่ได้  เฮาควรไปขัดแนวอื่น

ไปลองขัดมีดขัดปืน  ขัดฮอดเสียมฮอดพร้า ไปข้างหน้าได้ใช้สอย
ให้ขัดแหวนขัดสร้อย  ขัดเงิน ขัดคำให้งามคล่อง
จำไว้แน่เด้อพี่น้อง คันขัดตอคนต้อง เกิดปัญหา  
ซั่นแล้ว พี่น้องเอ้ย


                           ขัดหม้อขัดไหได้ผล ขัดคอคนไม่ดี
                                   เซียงน้อย หนองข้อง

 โดยคุณ :: เซียงน้อย หนองข้อง   เมื่อ :: 09/05/2008 เวลา: 22:55:14

ข้อความที่15 ::

ให้จุมเจ้าอยู่ดีกินแซบ อยู่แจบกินนัว
อย่าได้โศกอย่าได้เศร้า  เงินเจ้าให้ไหลมาเทมาเด้อ

 โดยคุณ :: ผู้บ่าวเฮิม   เมื่อ :: 10/05/2008 เวลา: 05:22:47

ข้อความที่16 :: ขัดข้อง

     ขัดข้องสองมื้อแล้ว  คือสิแวววาวโม่งๆปานว่าโอ่งทองคำ
ขัดไปนำคุยไปนำ  ให้หนำใจอยากขัดข้อง

อย่าขัดดุหลายเด้อพี่น้อง  เห็นใจคนคองเพิ่นแน่
ขัดกะให้ขัดตั้งแต่ไหกับหม้อ  พอได้เหลี่ยมม่องๆ
ทางข้องอย่าสุขัด


                   ใจเย็นๆเด้อพี่น้อง เพิ่นกำลังขัดข้องอยู่เดี๋ยวกะแล้ว ดอกคะรับ
                                    เซียงน้อย หนองข้อง

 โดยคุณ :: เซียงน้อยหนองข้อง   เมื่อ :: 10/05/2008 เวลา: 09:05:00

ข้อความที่17 :: ขัด

       ขัดมี  ขัดปืน  ขัดขืน  ขัดข้อง
ขัดดุดุแฮ่งเหลี่ยมม่อง  ปานทองคำขัดใหม่

ขัดอั่นได๋กะให้ผ่านพ้น  ขัดคอคนให้เว้นห่าง
ขัดยามได๋กะสิเพแตกม้าง เพราะขัดคอคนนั้น บ่แม่นคอง...ดอกตี้ พี่น้องเอ่ย


                            หยอกกันแก้ขัดไปก่อนเด้อสมาชิกเอ้ย
                                     เซียงน้อย หนองข้อง

 โดยคุณ :: เซียงน้อยหนองข้อง   เมื่อ :: 10/05/2008 เวลา: 09:31:13

ข้อความที่18 :: เอาเพลงมาฝาก

เข้ามาแล้ว อาจสิเงียบเหงา กะเลยเอาเพลงมาให้นั่งฟังถ่าไปพลางๆ เนาะ

เพลงบุญบั้งไฟ (โดย ชัชชัย พันธ์สวัสดิ์)


เพลงบ้านเฮา (โดย ชัชชัย พันธ์สวัสดิ์)


ม่วนๆ เด้อ

 โดยคุณ :: มังกรเดียวดาย   เมื่อ :: 10/05/2008 เวลา: 11:03:21

ข้อความที่19 ::

นัด Meeting ที่บ้านอาจารย์  วันอาทิตย์ที่ 11 พ.ค. 51 เวลา 11.00 น.(กินข้าวเที่ยง)  เลื่อนเป็นเวลา  4 โมงแลง (กินข้าวแลงนำกัน)

 โดยคุณ :: อีสานจุฬาฯ   เมื่อ :: 10/05/2008 เวลา: 11:55:24

ข้อความที่20 :: เอาเสียงแคนมาฝาก

เอาแคนมาฝาก พอให้ได้กินข้าวแซบ

ลายใหญ่ (โดย หมอแคนสมบัติ สิมหล้า)



ลายน้อย (โดย หมอแคนสมบัติ สิมหล้า)



ลายสร้อย (โดย หมอแคนสมบัติ สิมหล้า)



ลายสาวหยิกแม่ (โดย อาจารย์ทองคำ ไทยกล้า)


ที่เหลือกะถ่าฟังใน
ม่วนซื่นโฮแซว ฟังลายแคน

 โดยคุณ :: มังกรเดียวดาย   เมื่อ :: 10/05/2008 เวลา: 14:17:59

หน้า: 13 12 11 10 9 8 7 6 5 4 3 2 1


บอร์ดฝากข้อความนี้ ใช้ฐานข้อมูลแบบ text ซึ่งการใช้ฐานข้อมูลแบบtexนี้ มีวัตถุประสงค์เพื่อใช้ทดแทน กรณี MySQL ของเว็บบอร์ดหลักมีปัญหา ดังนั้น กรณีเว็บบอร์ดหลักมีปัญหา หรือเข้าไม่ได้ ท่านสามารถมาโพสต์คุยกันที่นี่ แก้เหงา แก้ขัด ไปพลางๆ ได้    กฎกติกาต่างๆ อ้างอิงตามกฎกติกาของเว็บบอร์ดหลักของเว็บไซต์ชมรมฯ
ฝากข้อความ ( รหัสผ่านคือ แซบคัก ไม่ใช่ แชบคัก )
เรื่อง :
 
ความคิดเห็น* :


ใช้ html ไม่ได้

ใช้ bbcode ได้
ใช้ space bar ได้
(เฉพาะความคิดเห็น)

โดยคุณ:* รหัสผ่าน
อีเมล์ :
 


ชมรมศิลปวัฒนธรรมอีสาน จุฬาลงกรณ์มหาวิทยาลัย
ชั้น 4 อาคารจุลจักรพงษ์ เขตปทุมวัน กรุงเทพมหานคร
ติดต่อชมรม : Click ที่นี่